తియ్ తియ్ వెయ్ వెయ్

తియ్ తియ్ తియ్ తలుపులు తియ్ వెయ్ వెయ్ వెయ్ అడుగులు వెయ్

తియ్ తియ్ తియ్ తలుపులు తియ్ చీకటి చెరల బంధన తియ్
వెయ్ వెయ్ అడుగులు వెయ్ వేకువ రేఖల వెంబడి వెయ్

వింటిని వీడిన బాణము నీవై బాణము కందని పరగువు నీవై
ఆకలిగొన్న పులివే నీవై వేటకు అందని జింకవు నీవై
పరుగులు మరవని అశ్వము నీవై అశ్వము బెదిరే వేగము నీవై
కీకారణ్యపు గుహలను వెడలి ఆశల బ్రతుకుకు వంతెన వెయ్

నింగిన మెరిసిన మెరుపువు నీవై నేలను తాకిన చినుకువు నీవై
వరదలు తెచ్చిన ఉప్పెన నీవై ఉధృతి నాపే శక్తివి నీవై
నింగిని అంటే జువ్వవు నీవై జువ్వను అంటిన సెగవూ నీవై
చీకటి దాగిన వెలుగువు నీవై విజయపు దారుల పరుగులు తియ్