మధురోక్తి

 1

కొన్ని మధుపాత్రల్ని

నేనే పగలగొట్టాను

మరికొన్నేవో

అవే పగిలాయి-

వాటిని ఏరివేయడంలోనే

రాత్రంతా గడిచిపోతుంది-

2

బహుకాలానికి దొరికిన వొర్షించే చీకటి వొటరితనం --

నన్ను నేను తడుముకోవాలి

విటపురంలో

నర్తించి నర్తించీ

నెత్తురొడుస్తున్న పాదాలు..

ఆకస్మికంగా

బహుమానించుకొన్న ముసురు-

నన్ను నేను స్పర్శించుకొని ముద్దాడుకోవాలి-

జలదరిస్తూ

తూలుతున్న

బహిరంతర దేహాత్మలు -

నన్ను నేను విత్తుకొని మొలకెత్తుకొని

భూరోదసులను రంగులించి

అల్లుకొని స్వప్నించుకోవాలి-

3

చీకట్లో

దారిచూపుతున్న మిణుగురులు-

కనుచూపుమేర

నా ఇంటి గడపలో

ఎవరో కాపలా కాస్తో......